hlidaskoli

1.bekkur

Íþróttir fara fram í íþróttsal skólans. Nemendur eiga að hafa meðferðis íþróttaföt (t.d. stuttubuxur og bol, íþróttagalla,fimleikabúning). Nemendur nota ekki skó en mega koma í stjörnusokkum eða tátiljum (fimleikaskóm) Ef barn getur ekki tekið þátt þá komið skilaboðum til íþróttakennara þar um t.d. með því að senda barnið með miða um ástæður þess.

2.-4. bekkur

Almennt eru tímar inni í íþróttasal skólans. Börnin eiga að hafa íþróttaföt til skiptana. Ef vel viðrar eru þau úti stöku sinnum fyrstu vikurnar og þurfa ekki sérstakan klæðnað en mælst er til þess að þá daga sem íþróttir eru séu þau í hentugum fatnaði til útiveru.

5.-7.bekkur

Stefnt er að útiíþróttum fyrstu vikur skólaársins. Æskilegt er að nemendur annaðhvort komi í léttum fatnaði eða með föt til skiptana. Ef veður bregst verður farið inn í sal.Athugið að mikilvægt er þegar útiíþróttum lýkur að nemendur muni eftir viðeigandi íþróttafatnaði í alla tíma (t.d. stuttubuxur og bol, íþróttagalla,fimleikabúning). Nemendur í 5-7 bekk nota skó innanhúss og mikilvægt að allir geri það vegna slysahættu annars.

8.-10. bekkur

Útiíþróttir eru fyrstu vikur skólaársins. Æskilegt er að nemendur séu í hentugum fatnaði í þeim tímum. Þegar inniíþróttir hefjast verða nemendur að hafa meðferðis íþróttafatnað og innanhússskó.

Íþróttakennarar

Mánudaginn 23. ágúst var Hlíðaskóli settur í 56. sinn. Í vetur stunda um 470 nemendur nám í 1. - 10. bekk. Nemendur í 1. bekk voru boðaðir til viðtals ásamt foreldrum sínum þriðjudag og miðvikudag. Í dag var svo fyrsti skóladagur þeirra. Tveir bekkir eru í árganginum og eru rúmlega 20 nemendur í hvorum bekk.

Þá voru foreldrar nemenda í 8. bekk boðaðir á kynningarfund í morgun þar sem farið var yfir hvernig er að koma í unglingadeild. Farið var yfir helstu reglur og viðburði unglingadeildar og nemendur settir inn i gang mála.

Ný heimasíða skólans hefur litið dagsins ljós og er í raun enn í vinnslu. Ýmsar upplýsingar sem voru á eldri heimasíðunni munu birtast næstu daga.