Í morgun var haldin brunaæfing í Hlíðaskóla. Nemendur voru undirbúnir undir æfinguna og gekk mjög vel að koma öllum nemendum út ú skólanum.

Í janúar síðastliðnum voru börnin í 2. RE að læra um stjórnsýslu landsins og fleira því tengdu, þar á meðal hvaða hlutverkum ráðamenn landsins þjóna. Bekknum þótti erfitt að komast til botns í því hvað forseti Íslands gerir í raun og því var tekin sú ákvörðun að senda honum bréf til að fræðast um það…

Öskudagurinn var furðufatadagur í Hlíðaskóla. Stundaskrá var brotin upp og nemendur gátu valið um ýmsar stöðvar sem voru í boði. Meðal þess sem boðið var upp á var kókoskúlugerð, andlitsmálning, spákona, dans, bingó, söngur og margt fleira. Nemendur skemmtu sér vel og voru margar furðuverur á ferðinni.

Nemendur í 3. bekk fóru á Þjóðminjasafnið en þeir hafa verið að læra um íslenska þjóðhætti.    

Nú eru jólaböllin í fullum gangi hjá nemendum í 1.-7. bekk í Hlíðaskóla. Dansað í kringum jólatréð og jólasveinar kíktu í heimsókn og gáfu nemendum mandarínur.  

Nemendur í 10. bekk hafa í íslensku verið að vinna með uppáhalds jólauppskriftirnar sínar. Afraksturinn varð bók hjá öðrum bekknum og vefsíða hjá hinum. Njótið vel Jólauppskriftir 10. bekkjar      

Nú rétt áður  en nemendur fara að njóta jólafrísins spila þeir félagsvist af miklum móð. Í síðustu viku fóru fram æfingaspil en nú fer fram hörð keppni um besta spilara Hlíðaskóla.

Undanfarna morgna hafa nemendur í Hlíðaskóla labbað með vinabekkjum sínum í Öskjuhlíðina. Þar eiga nemendur notalega stund, sygja jólalög og fá heitt kakó og smákökur. Hér eru myndir af  vinaárgöngunum 10. bekk og  1. bekk.

Í dag var aðventuhátíð í Hlíðaskóla. Nemendur voru í sínum umsjónarstofum með sínum umsjónarkennara  og skreyttu af miklum móð. Lögð er áhersla á að skreyta stofu hurðina á fallengan og skemmtilegan hátt. Nemendur fengu kakó og smákökur sem þeir gæddu sér á í nestinu og að því loknu gengur þeir um skólann og litu á…